Ynghylch y prosiect

Kenya a Chymru

Mae’r prosiect Hynafiaid Da yn glwb artistiaid dan arweiniad pobl Dduon, sy'n gweithredu fel actifydd ac amharydd dros actifiaeth greadigol, gydweithredol, sydd wedi’i dad-drefedigaethu, sydd yn cael ei ariannu gan Banel Cynghori Is-Sahara a gan Gyngor Celfyddydau Cymru. Bydd y clwb artistiaid hwn yn archwilio newid hinsawdd a natur trwy lens rhyngwladol, ac yn canolbwyntio ar Gymru ac Affrica. Mae'r Argyfwng Hinsawdd yn tynnu sylw at anghydraddoldebau sydd eisoes yn bodoli:

• Ôl-troed carbon pwerau’r Gorllewin ydy prif gyfrannwr newid hinsawdd.

• Mae prynwriaeth yn y Gorllewin yn ffin ddiwylliannol ar gyfer newid ystyrlon.

• Gwledydd y De Byd-eang sydd fwyaf dan fygythiad yn sgil newid hinsawdd.

• Mae mudiadau natur yn bennaf dan arweiniad y Gorllewin, ac yn gweithredu o fewn normau a strwythurau diwylliannol y Gorllewin.

• Mae newid hinsawdd yn effeithio’n andwyol ar gymunedau wedi’u hymyleiddio, sydd â’r adnoddau lleiaf i ymdopi.

Mae cymunedau diaspora yn teimlo effaith newid hinsawdd ar ddwy ongl: yng Nghymru ac ymhlith y cymunedau maen nhw'n dod ohonynt. Mae'n effeithio arnynt ar lefel ariannol ac emosiynol, wrth iddynt barhau i gefnogi teulu a ffrindiau dramor.  Rydym eisiau hawlio man canolog o ran gwrthsefyll yr Argyfwng Natur, gan ddefnyddio cymell tawel i feithrin gweithredu dad-drefedigaethol a chreadigol dan arweiniad pobl Dduon.

​

Dydy natur ddim yn symud ar hyd ffiniau cenedlaethol, mae'r argyfwng Hinsawdd a Natur yn effeithio ar bob rhywogaeth, o blanhigion ac anifeiliaid (gan gynnwys ni fel pobl) ar draws y byd.